Mukhyamantri pak sangrah structure yojana : ગુજરાત સરકારે ખેડૂતોને લઈને એક મહત્વનો અને મોટો નિર્ણય લીધો છે. કેબિનેટ બેઠકમાં (Cabinet Meeting) ખેડૂતોની આવક વધારવા અને પાકને સુરક્ષિત રાખવા માટે અમલમાં મુકાયેલી મુખ્યમંત્રી પાક સંગ્રહ સ્ટ્રક્ચર યોજના (Chief Minister Crop Storage Structure Scheme) અંતર્ગત મળતી સહાય અને તેના વ્યાપમાં વધારો કરવાની મંજૂરી આપવામાં આવી છે.

Pak Sangrah Structure Yojana : સહાયની રકમ 1 લાખથી વધારીને 2 લાખ કરાઈ

અત્યાર સુધી ખેડૂતોને ખેતરમાં પાક સંગ્રહ કરવા માટે 300 ચોરસ ફૂટ સુધીના સ્ટ્રક્ચર (Godown Construction for Farmers) બનાવવા પર કુલ ખર્ચના 50 ટકા અથવા મહત્તમ 1 લાખની સબસિડી આપવામાં આવતી હતી. ખેડૂતોની વાસ્તવિક જરૂરિયાતો અને રજૂઆતોને ધ્યાને રાખીને સરકારે હવે આ મર્યાદા બમણી કરવાનો નિર્ણય કર્યો છે.

• હવે ખેડૂતો 600 ચોરસ ફૂટ સુધીનું પાક સંગ્રહ સ્ટ્રક્ચર બનાવી શકશે.

• સહાયની મહત્તમ મર્યાદા વધારીને 2 લાખ (Agricultural Subsidies) કરવામાં આવી છે.

• જો કોઈ ખેડૂત 300 થી 600 ચોરસ ફૂટની વચ્ચે બાંધકામ કરશે, તો તેમને પ્રતિ ચોરસ ફૂટના નિયત દર પ્રમાણે પ્રમાણસર સહાય ચૂકવવામાં આવશે.

khedut godown sahay yojana : 154.36 કરોડ મંજૂર

આ સુધારેલી યોજનાને વ્યાપક સ્તરે લાગુ કરવા માટે રાજ્ય સરકાર દ્વારા ચાલુ નાણાકીય વર્ષ (Financial Year 2026-27) અંતર્ગત 154.36 કરોડની વહીવટી મંજૂરી પણ આપી દેવામાં આવી છે.

ખેતરમાં જ મોટું સંગ્રહ સ્થાન (Crop Storage Facility) બનવાથી ખેડૂતો પોતાના પાકને લાંબા સમય સુધી સુરક્ષિત રાખી શકશે. આનાથી પાક બગડતો અટકશે અને જ્યારે બજારમાં સારા ભાવ (Minimum Support Price / Market Rate) મળશે ત્યારે તેઓ પોતાનો માલ વેચીને વધુ નફો કમાઈ શકશે.

Gujarat farmer subsidy scheme 2026 : ખેડૂતો માટે યોજનામાં શું ફેરફાર થયા?

આઈ-ખેડૂત પોર્ટલ પર ઓનલાઈન અરજી કેવી રીતે કરવી? (Step-by-Step Process)

મુખ્યમંત્રી પાક સંગ્રહ સ્ટ્રક્ચર યોજનાનો લાભ લેવા માટે ખેડૂતોએ ઓનલાઈન અરજી કરવી પડશે. તેની સ્ટેપ-બાય-સ્ટેપ પ્રક્રિયા નીચે મુજબ છે.

સ્ટેપ ૧: ઓફિશિયલ વેબસાઈટ ઓપન કરો

• સૌથી પહેલાં ગૂગલ પર જઈને iKhedut Portal સર્ચ કરો અથવા સીધા જ ikhedut.gujarat.gov.in વેબસાઈટ પર જાઓ.

સ્ટેપ ૨: યોજનાઓ (Schemes) સેક્શન પર જાઓ

• હોમ પેજ પર તમને "યોજનાઓ" (Schemes) નો ઓપ્શન દેખાશે, તેના પર ક્લિક કરો.

• ત્યાં તમને અલગ-અલગ વિભાગો જોવા મળશે, જેમાંથી "ખેતીવાડીની યોજનાઓ" (Agriculture Schemes) પસંદ કરો.

સ્ટેપ ૩: મુખ્યમંત્રી પાક સંગ્રહ સ્ટ્રક્ચર યોજના પસંદ કરો

• ખેતીવાડીની યોજનાઓ ખુલતા જ, તેમાં "મુખ્યમંત્રી પાક સંગ્રહ સ્ટ્રક્ચર યોજના" અથવા "ગોડાઉન સહાય યોજના" નો ઓપ્શન શોધો.

• યોજનાની બાજુમાં આપેલા "અરજી કરો" (Apply) બટન પર ક્લિક કરો.

સ્ટેપ ૪: રજિસ્ટ્રેશનની વિગતો ભરો

• જો તમે આ પોર્ટલ પર પહેલેથી રજિસ્ટર્ડ ખેડૂત છો (તમારી પાસે આધાર કાર્ડ/મોબાઈલ નંબર રજિસ્ટર્ડ છે), તો "હા" સિલેક્ટ કરીને લોગઈન કરો.

• જો તમે નવા ખેડૂત છો, તો "ના" સિલેક્ટ કરીને આગળ વધો અને નવી અરજી ફોર્મ ખોલો.

સ્ટેપ ૫: જરૂરી માહિતી સબમિટ કરો

• ફોર્મમાં ખેડૂતની વ્યક્તિગત વિગતો (નામ, સરનામું, જાતિ વગેરે), જમીનની વિગતો (ખાતા નંબર, સર્વે નંબર) અને બેંક ખાતાની માહિતી (IFSC કોડ અને એકાઉન્ટ નંબર) બરાબર ભરો.

સ્ટેપ ૬: અરજી સેવ અને કન્ફર્મ કરો

• બધી વિગતો ભરાઈ ગયા પછી "Save Application" પર ક્લિક કરો.

• એકવાર બધી માહિતી ચકાસી લીધા બાદ "Confirm Application" પર ક્લિક કરો. (નોંધ: કન્ફર્મ થયા પછી જ અરજી માન્ય ગણાશે અને તેમાં કોઈ ફેરફાર થઈ શકશે નહીં).

સ્ટેપ ૭: પ્રિન્ટ આઉટ લો અને સહી કરો

• અરજી કન્ફર્મ થયા પછી તેની પ્રિન્ટ આઉટ કાઢી લો અને તેના પર ખેડૂતે પોતાની સહી અથવા અંગૂઠાનું નિશાન કરવાનું રહેશે.

અરજીની પ્રિન્ટ આઉટ સાથે જરૂરી દસ્તાવેજો (જેવા કે 7/12, 8-A ની નકલ, આધાર કાર્ડ, બેંક પાસબુકની નકલ) જોડીને તમારા વિસ્તારના ગ્રામ સેવક અથવા તાલુકા વિસ્તરણ અધિકારી (ખેતી) ને નિયત સમયમર્યાદામાં જમા કરાવવાની રહેશે.