Gujarat monsoon sowing 2026 : ગુજરાતમાં ચોમાસું વાવેતર 60% એ અટક્યું: વરસાદની રાહે ખેડૂતો, જાણો લેટેસ્ટ આંકડા

Gujarat monsoon sowing 2026 : રાજ્યમાં ચાલુ વર્ષે નબળા વરસાદના કારણે ખેતી સેક્ટર પર ચિંતાના વાદળો ઘેરાયા છે. ગુજરાતમાં અત્યાર સુધીમાં માત્ર ૩૦ ટકા વિસ્તારોમાં જ સારો વરસાદ નોંધાયો છે, જેના લીધે ચોમાસું વાવેતરમાં મોટો ઘટાડો જોવા મળી રહ્યો છે. ૨૦ જુલાઈ સુધીના સત્તાવાર આંકડા અનુસાર, રાજ્યમાં ચાલુ સીઝનમાં અત્યાર સુધી માત્ર ૬૦ ટકા વિસ્તારમાં જ વાવણી પૂર્ણ થઈ શકી છે, જે ગયા વર્ષની સરખામણીએ ૯ ટકા ઓછી છે.

Gujarat ma chomasu vavetar 2026 : ગત વર્ષ કરતાં ૯% ઓછું વાવેતર

રાજ્યના કૃષિ વિભાગના અહેવાલ મુજબ, ગુજરાતમાં સરેરાશ ૮૫.૩૦ લાખ હેક્ટર વાવેતર વિસ્તાર સામે ચાલુ વર્ષે ૨૦ જુલાઈ સુધીમાં ૫૦.૮૩ લાખ હેક્ટર વિસ્તારમાં જ વાવણી થઈ છે. જ્યારે ગત વર્ષે સમાન ગાળામાં ૫૮.૩૯ લાખ હેક્ટર (૬૮.૪૪ ટકા) વિસ્તારમાં વાવેતર થઈ ચૂક્યું હતું. આમ, ગયા વર્ષની સરખામણીમાં આ વર્ષે વાવેતરમાં ૯ ટકાનો સીધો ઘટાડો નોંધાયો છે. ખાસ કરીને ખેતીના હબ ગણાતા સૌરાષ્ટ્ર અને કચ્છ પંથકમાં પણ વાવેતરના ગ્રાફમાં મોટો કડાકો જોવા મળ્યો છે.

Magfali nu vavetar gujarat : મગફળી અને ડાંગરના વાવેતરમાં મોટો ઘટાડો

ગુજરાતના મુખ્ય રોકડીયા પાકોમાં ગણાતી મગફળી અને ડાંગરના વાવેતરને વરસાદની અછતની સૌથી વધુ અસર થઈ છે.

• મગફળી (Groundnut Sowing) : સામાન્ય રીતે જુલાઈના આ સમયગાળા સુધીમાં રાજ્યમાં મગફળીનું ૧૦૦ ટકા વાવેતર પૂર્ણ થઈ જતું હોય છે. પરંતુ આ વર્ષે હજી સુધી માત્ર ૮૬ ટકા વાવણી જ થઈ શકી છે, જે અંદાજે ૧૬.૪૮ લાખ હેક્ટર વિસ્તારમાં મર્યાદિત છે.

• ડાંગર (Paddy Sowing) : ચોમાસાના મુખ્ય પાક ગણાતા ડાંગરના વાવેતરમાં સૌથી ખરાબ સ્થિતિ છે. ડાંગરના કુલ અંદાજિત વિસ્તાર સામે અત્યાર સુધીમાં માત્ર ૨૫ ટકા વિસ્તારમાં જ વાવણી થઈ શકી છે.

Gujarat ma kapash nu vavetar : ગુજરાતમાં કયા પાકનું કેટલું થયું વાવેતર?

વરસાદની તંગી વચ્ચે પણ કેટલાક પાકોનું વાવેતર સંતોષજનક રહ્યું છે. રાજ્યમાં કયા પાકનું કેટલા ટકા વાવેતર થયું છે તેની વિગતવાર માહિતી નીચે મુજબ છે:

Monsoon crop sowing in Gujarat : સોયાબીન અને કપાસનું વાવેતર મોખરે

ચાલુ સીઝનમાં અત્યાર સુધીમાં સૌથી વધુ વાવેતર સોયાબીનનું (૮૮.૪૯ ટકા) નોંધાયું છે. જ્યારે ગુણવત્તા અને કિંમતની દ્રષ્ટિએ મહત્વના એવા કપાસનું (Cotton Sowing) ૧૮.૭૬ લાખ હેક્ટરમાં એટલે કે અંદાજિત ૭૯ ટકા જેટલું વાવેતર પૂર્ણ થઈ ગયું છે. આ ઉપરાંત મકાઈનું વાવેતર ૨.૧૯ લાખ હેક્ટર એટલે કે ૭૮ ટકા વિસ્તારમાં થઈ ચૂક્યું છે.

ખેડૂતોની ચિંતા વધી: જો આગામી દિવસોમાં રાજ્યભરમાં સાર્વત્રિક અને સારો વરસાદ નહીં થાય, તો વાવેતરના આંકડા સુધરવા મુશ્કેલ બનશે અને ઊભા પાકને પણ મોટું નુકસાન થવાની ભીતિ સેવાઈ રહી છે.

સૌજન્ય: કૃષિ વિભાગ, ગુજરાત સરકાર (આંકડા ૨૦ જુલાઈ સુધીના)