Gujarat Rain Update : ગુજરાતમાં વરસાદની મેરેથોન ઈનિંગ, સિઝનના 45 ટકા વરસાદ સાથે 5500 લોકોનું રેસ્ક્યૂ કરાયા

Gujarat Rain Update : ગુજરાતમાં ચોમાસાનો બીજો રાઉન્ડ તોફાની બન્યો છે. સમગ્ર રાજ્યમાં સાર્વત્રિક અને મુશળધાર વરસાદ વચ્ચે જનજીવન અસ્તવ્યસ્ત બન્યું છે. સરકારના સત્તાવાર આંકડાઓ મુજબ, રાજ્યમાં અત્યાર સુધીમાં ચોમાસાની સિઝનનો કુલ 45.84% વરસાદ નોંધાઈ ચૂક્યો છે. જેમાં દક્ષિણ ગુજરાતમાં સૌથી વધુ વરસાદ નોંધાયો છે.

Gujarat varsad : દક્ષિણ ગુજરાતમાં NDRF અને આર્મી એલર્ટ પર

દક્ષિણ ગુજરાતમાં સિઝનનો અત્યાર સુધીનો સૌથી વધુ 73.67% વરસાદ નોંધાયો છે. વલસાડ જિલ્લામાં છેલ્લા 60 કલાકમાં 55 ઈંચ જેટલો વરસાદ નોંધાયો છે.

ભારે પૂર અને જળબંબાકારની સ્થિતિને પહોંચી વળવા માટે વહીવટી તંત્ર યુદ્ધના ધોરણે કામ કરી રહ્યું છે.

• રેસ્ક્યૂ કામગીરી: અસરગ્રસ્ત વિસ્તારોમાંથી અત્યાર સુધીમાં 5,547 લોકોને સુરક્ષિત સ્થળે ખસેડવામાં આવ્યા છે.

• બચાવ ટુકડીઓ: રાહત કાર્ય માટે NDRFની 17 અને SDRFની 32 ટીમો તૈનાત છે.

• આર્મીની એન્ટ્રી: પરિસ્થિતિની ગંભીરતા જોતા અમદાવાદ, નવસારી અને વલસાડમાં આર્મીની 2-2 ટુકડીઓ તૈનાત કરી દેવામાં આવી છે.

• માછીમારોને ચેતવણી: હવામાન વિભાગ દ્વારા માછીમારોને દરિયો ન ખેડવા માટે કડક સૂચના આપવામાં આવી છે.

Monsoon 2026 Gujarat : 1200થી વધુ રસ્તાઓ બંધ

વરસાદી પાણી ભરાવા અને ઓવરટોપિંગ (રસ્તા પર પાણી ફરી વળવું) ના કારણે રાજ્યના વાહનવ્યવહારને ભારે અસર થઈ છે.

• રાજ્યભરમાં 3 નેશનલ હાઈવે અને 30 સ્ટેટ હાઈવે સહિત કુલ 1,204 રસ્તાઓ બંધ કરવા પડ્યા છે.

• વલસાડમાં ઓવરટોપિંગના કારણે નેશનલ હાઈવે-47 સંપૂર્ણ ઠપ્પ થઈ ગયો છે. સૌથી વધુ ખરાબ સ્થિતિ વલસાડ, નવસારી અને સુરત જિલ્લાની છે.

Gujarat rain update live : 24 કલાકમાં તમામ 255 તાલુકામાં વરસાદ

છેલ્લા 24 કલાકમાં રાજ્યના તમામ 255 તાલુકાઓમાં વરસાદ નોંધાયો છે. અમદાવાદ, ખેડા અને દક્ષિણ ગુજરાતના વિસ્તારોમાં પૂર જેવી સ્થિતિ સર્જાઈ છે.

IMD Gujarat rain forecast : છેલ્લા 24 કલાકમાં સૌથી વધુ વરસાદ

આ ઉપરાંત બાવળા, દસક્રોઈ, નડીયાદ, સોજીત્રા, નેત્રંગ અને પેટલાદમાં પણ 10 થી 13 ઈંચ જેટલો ભારે વરસાદ ખાબક્યો છે.

Gujarat rain data : ઉત્તર ગુજરાત અને કચ્છમાં હજુ પણ વરસાદની ઘટ

ગુજરાતમાં એકતરફ પૂરની સ્થિતિ છે, તો બીજી તરફ કેટલાક વિસ્તારોમાં હજુ પણ જોઈએ તેવો વરસાદ પડ્યો નથી.

• મધ્ય-પૂર્વ ગુજરાત: 35.94%

• સૌરાષ્ટ્ર: 38.68%

• ઉત્તર ગુજરાત: 22.15%

• કચ્છ: 6.32%

Gujarat rain news : સૌથી ઓછો વરસાદ ધરાવતા જિલ્લાઓ

• દ્વારકા: 3.12%

• કચ્છ: 7.1%

• બનાસકાંઠા: 14.15%

• પોરબંદર: 15.01%

• જામનગર: 18.12%