Pashu sahay yojana 2026 : પશુપાલકોને પશુના મૃત્યુ પર મળે છે 1 લાખ 12 સુધીની આર્થિક સહાય, જાણો કોને અને કેવી રીતે મળશે?

Gujarat pashu sahay yojana 2026 : ગુજરાત સરકારના પશુપાલન વિભાગ દ્વારા પશુપાલકોને જો કોઈ પશુનું કુદરતી આપત્તિ, ગંભીર બીમારી કે અકસ્માતને કારણે મૃત્યુ થાય છે તો આર્થિક નુકસાનથી બચાવવા માટે ₹1,12,500 સુધીની મોટી આર્થિક સહાય આપવામાં આવે છે.

આ યોજના ગુજરાત સરકારના પશુપાલન વિભાગ દ્વારા ચલાવવામાં આવતી "કુદરતી આપત્તિ અથવા ગંભીર બીમારીના કારણે પશુ મૃત્યુ સહાય યોજના (જે સ્ટેટ ડિઝાસ્ટર રિસ્પોન્સ ફંડ - SDRF અથવા પશુપાલન વિભાગના નિયમો હેઠળ આવે છે) તરીકે ઓળખાય છે.

pashu mrutyu sahay gujarat : પશુઓના પ્રકાર પ્રમાણે મળવાપાત્ર સહાય

pashupalan vibhag gujarat scheme : સરકારે અલગ-અલગ પશુઓ માટે સહાયની રકમ અને તેની મહત્તમ મર્યાદા નક્કી કરી છે.

gay bhens mrutyu sahay : દૂધાળા પશુઓ માટે સહાય

• ગાય, ભેંસ અને ઊંટ : પ્રતિ પશુ ₹37,500 ની સહાય આપવામાં આવશે. એક પશુપાલક વધુમાં વધુ 3 પશુઓ સુધી એટલે કે કુલ ₹1,12,500 સુધીની સહાય મેળવી શકે છે.

• ઘેટાં અને બકરાં : પ્રતિ પશુ ₹4,000 ની સહાય મળશે, જેમાં વધુમાં વધુ 30 પશુઓ સુધીની મર્યાદા નક્કી કરાઈ છે.

pashupalan yojana 2026 : બિન-દૂધાળા પશુઓ માટે સહાય

• ઘોડા, ખચ્ચર અને ઊંટ: પ્રતિ પશુ ₹32,000 ની આર્થિક સહાય મળવાપાત્ર છે (વધુમાં વધુ 3 પશુઓની મર્યાદામાં).

• પાડા, પાડી, વાછરડા, વાછરડી અને ગધેડા વગેરે : પ્રતિ પશુ ₹20,000 ની સહાય આપવામાં આવશે (વધુમાં વધુ 3 પશુઓની મર્યાદામાં).

livestock insurance gujarat : મરઘાં અને બતકાં (Poultry) માટે સહાય

• પુખ્ત વયના મરઘાં અને બતકાંના મૃત્યુ પર પ્રતિ પક્ષી ₹100 ની સહાય મળશે. આમાં વધુમાં વધુ 100 પક્ષીઓની મર્યાદામાં મહત્તમ ₹10,000 સુધીની સહાય મળી શકે છે.

animal death compensation gujarat : કયા કિસ્સાઓમાં પશુ સહાયનો લાભ મળશે?

પશુનું મૃત્યુ નીચે દર્શાવેલ કોઈપણ નિર્ધારિત કારણોસર થયું હશે તો જ આ યોજના હેઠળ સહાય મળવાપાત્ર રહેશે.

1. કુદરતી આપત્તિઓ : પૂર (Flood), અતિવૃષ્ટિ, ભારે દુષ્કાળ, ભૂકંપ (Earthquake), વાવાઝોડું (Cyclone) અથવા આકાશી વીજળી પડવા જેવી કુદરતી આફતોના કારણે પશુનું મૃત્યુ થયું હોય.

2. ગંભીર બીમારીઓ : એન્થ્રેક્સ (Anthrax), FMD (ખુર-મોનો રોગ), બ્લેક ક્વાર્ટર (કાળિયો તાવ), હેમોરેજિક સેપ્ટીસેમિયા (ગલસૂંઢો) સહિતની અન્ય કોઈ ગંભીર ચેપી બીમારીના કારણે મૃત્યુ થયું હોય.

3. અન્ય વિશિષ્ટ પરિસ્થિતિઓ : પશુને ઝેરી સાપ કરડવો, કેમિકલ પોઈઝનિંગ (રાસાયણિક ઝેર) થવું અથવા ફૂડ પોઈઝનિંગ (ઝેરી ખોરાક) જેવી આકસ્મિક પરિસ્થિતિઓમાં મૃત્યુ થાય તો પણ સહાય મળશે.

pashu sahay application form 2026 : પૈસા સીધા ખાતામાં આવશે

સહાયની રકમ મંજૂર થયા બાદ DBT (Direct Benefit Transfer) ના માધ્યમથી સીધી જ લાભાર્થી પશુપાલકના બેંક ખાતામાં જમા (Direct Bank Transfer) કરવામાં આવે છે.

pashu death claim form : ફોર્મ ભરતી વખતે આટલું ખાસ ધ્યાન રાખો

પશુનું મૃત્યુ થતાં જ વિલંબ કર્યા વિના નીચેની પ્રક્રિયા પૂરી કરવી જરૂરી છે, નહીં તો સહાય મળવામાં મુશ્કેલી પડી શકે છે.

1. પશુ ચિકિત્સક દ્વારા પંચનામું/પોસ્ટમોર્ટમ : પશુના મૃત્યુના તુરંત બાદ સરકારી પશુ ડૉક્ટરને બોલાવી પંચનામું કરાવવું અને મૃત્યુનું સાચું કારણ દર્શાવતો પોસ્ટમોર્ટમ રિપોર્ટ (Post Mortem Report) તૈયાર કરાવવો.

2. ફોટોગ્રાફ્સ : મૃત પશુના કાનમાં લગાવેલ ટેગ (Tag) વંચાય તે રીતે અને પશુના મૃતદેહના ફોટોગ્રાફ્સ લેવા જરૂરી છે.

3. દાખલો : પશુનું મૃત્યુ કુદરતી આપત્તિ (પૂર, વીજળી વગેરે) થી થયું હોય તો તલાટી અથવા સરપંચનો દાખલો લેવો.

pashu sahay application form 2026 : અરજી ફોર્મ સાથે જોડવાના જરૂરી દસ્તાવેજો

• નિયત નમૂનાનું ભરેલું અરજી ફોર્મ

• પશુ ડૉક્ટરનો પોસ્ટમોર્ટમ રિપોર્ટ / મૃત્યુનો દાખલો

• પશુનો ટેગ (Tag) નંબર અને ટેગ સાથેનો ફોટો

• પશુપાલકનું આધાર કાર્ડ

• રેશન કાર્ડની નકલ

• બેંક પાસબુકની નકલ અથવા કેન્સલ ચેક (કારણ કે સહાયની રકમ DBT દ્વારા સીધી બેંક ખાતામાં જમા થાય છે)

• જમીનના 7-12 અને 8-અ ના ઉતારા કે પશુ માલિકી અંગેનું સોગંદનામું/તલાટીનો દાખલો (જરૂરિયાત મુજબ)

પશુનું મૃત્યુ થવાના ૨૪ થી ૭૨ કલાકની અંદર જ સ્થાનિક સરકારી પશુ દવાખાના અથવા ગ્રામ પંચાયતનો સંપર્ક કરી લેવો જેથી સમયસર પંચનામું થઈ શકે.