By Chhelli Jagir
June 16, 2026
વાવણી લાયક વરસાદની રાહ જોતા ખેડૂતો માટે હવામાન વિભાગ (IMD) તરફથી ચિંતાજનક સમાચાર સામે આવ્યા છે. અલનીનો (El Nino) ની અસરને કારણે આ વર્ષે સામાન્ય કરતાં ઓછો વરસાદ થવાની સંભાવના વ્યક્ત કરવામાં આવી છે.
Gujarat Monsoon 2026 Delayed : ગુજરાતમાં દર વર્ષે સામાન્ય રીતે 15 જૂન સુધીમાં ચોમાસાનું આગમન થઈ જતું હોય છે, પરંતુ આ વર્ષે (2026) ચોમાસું ખેંચાતા જગતના તાત (ખેડૂતો) ચિંતામાં મૂકાયા છે. વાવણી લાયક વરસાદની રાહ જોતા ખેડૂતો માટે હવામાન વિભાગ (IMD) તરફથી ચિંતાજનક સમાચાર સામે આવ્યા છે. અલનીનો (El Nino impact India) ની અસરને કારણે આ વર્ષે સામાન્ય કરતાં ઓછો વરસાદ થવાની સંભાવના વ્યક્ત કરવામાં આવી છે.
છેલ્લા ચાર વર્ષથી રાજ્યમાં સારો વરસાદ નોંધાયો હતો, પરંતુ આ વર્ષે ચોમાસું મોડું બેસવાની સાથે સંકટના વાદળો પણ ઘેરાઈ રહ્યા છે.
Gujarat monsoon 2026 : ગયા વર્ષોની સરખામણીએ ચોમાસામાં વિલંબ
જો આપણે છેલ્લા બે વર્ષના આંકડા પર નજર કરીએ તો, ગુજરાતમાં ચોમાસાની એન્ટ્રી સમયસર અથવા સમય કરતાં વહેલી થઈ હતી.
2024 : નિર્ધારિત સમય કરતાં 3 દિવસ વહેલા, એટલે કે 12 જૂને જ ચોમાસું બેસી ગયું હતું.
2025: ચોમાસાની સત્તાવાર એન્ટ્રી 16 જૂને થઈ હતી.
2026: આ વર્ષે 15 જૂન વીતી ગઈ હોવા છતાં ચોમાસાના સત્તાવાર આગમનની હજુ સુધી કોઈ જાહેરાત કરવામાં આવી નથી.
સામાન્ય રીતે 30 જૂન સુધીમાં સમગ્ર ગુજરાતમાં વરસાદી માહોલ જામી જતો હોય છે, પણ આ વખતે સ્થિતિ અલગ જોવા મળી રહી છે.
Monsoon arrival date Gujarat : હાલ ચોમાસું ક્યાં અટક્યું છે?
હાલમાં દેશના 9 રાજ્યોમાં પ્રી-મોન્સૂન એક્ટિવિટી (Pre-monsoon activity) શરૂ થઈ ગઈ છે, પરંતુ ઘણા ભાગો હજુ પણ કાળઝાળ ગરમીનો સામનો કરી રહ્યા છે.
ચોમાસું અરબી સમુદ્રમાં 8 જૂનથી અટકેલું છે.
તેલંગાણાના ભદ્રાચલમમાં પણ તે છેલ્લા 6 દિવસથી સ્થિર છે.
રાહતના સમાચાર: હવામાન મોડેલ્સ અનુસાર, આ સપ્તાહના અંત સુધીમાં પરિસ્થિતિ સાનુકૂળ બનશે. 'જેટ સ્ટ્રીમ' નબળી પડવાને કારણે મોન્સૂની પવનો તેજ બનશે. આગામી 4 થી 5 દિવસમાં ચોમાસું મહારાષ્ટ્ર, કર્ણાટક, છત્તીસગઢ, ઓડિશા અને બિહારમાં આગળ વધશે. મહારાષ્ટ્ર સંપૂર્ણ રીતે કવર થયા બાદ જ ગુજરાતમાં ચોમાસાની સત્તાવાર એન્ટ્રી થશે
IMD rain forecast Gujarat : આગામી 7 દિવસ રાજ્યમાં કેવો માહોલ રહેશે?
ચોમાસાના સત્તાવાર આગમન પહેલાં રાજ્યના કેટલાક વિસ્તારોમાં પ્રી-મોન્સૂન વરસાદ તરીકે છૂટાછવાયા ઝાપટાં પડી શકે છે.
16 અને 17 જૂનની આગાહી
દક્ષિણ ગુજરાત : સુરત, નવસારી, વલસાડ, ડાંગ, તાપી તેમજ દમણ અને દાદરા નગર હવેલીમાં અમુક સ્થળોએ ગાજવીજ સાથે હળવોથી મધ્યમ વરસાદ પડી શકે છે.
ઉત્તર ગુજરાત અને સૌરાષ્ટ્ર-કચ્છ : આ વિસ્તારો સંપૂર્ણપણે સૂકા અને શુષ્ક રહેશે.
18 થી 20 જૂનની આગાહી
દક્ષિણ ગુજરાતના જિલ્લાઓ ઉપરાંત સૌરાષ્ટ્રના અમરેલી, ભાવનગર, ગીર સોમનાથ અને દીવમાં પણ વરસાદી ઝાપટાં પડવાની સંભાવના છે. બાકીના વિસ્તારોમાં વાતાવરણ કોરું રહેશે.
સૌથી મોટી રાહતની વાત એ છે કે આગામી 7 દિવસ દરમિયાન ગુજરાતના કોઈ પણ ભાગમાં ભારે વાવાઝોડું કે વીજળી પડવા જેવી ગંભીર સ્થિતિનું એલર્ટ જાહેર કરવામાં આવ્યું નથી.
