Gobardhan Yojana Gujarat 2026 : છાણમાંથી ગેસ અને ખાતર બનાવી મેળવો સબસિડી, જાણો પશુપાલકો માટેની યોજના વિશે
By Navinchandra
August 8, 2026
ગોબરધન યોજના હેઠળ પશુના છાણમાંથી બાયોગેસ અને સેન્દ્રિય ખાતર બનાવવામાં આવે છે. ખેડૂતોને ₹25,000 સહાય સાથે સ્વચ્છ ઊર્જા, LPG બચત અને ખેતીમાં ખાતરનો લાભ મળે છે.
Gobardhan Yojana Gujarat 2026 : ગ્રામીણ વિસ્તારમાં સ્વચ્છતા જાળવવા અને પશુપાલકોની આવકમાં વધારો કરવાના હેતુથી ગુજરાત સરકાર દ્વારા ગોબરધન યોજના (GOBAR-Dhan Scheme) અમલમાં મૂકવામાં આવી છે.
આ યોજના હેઠળ પશુઓના છાણ અને બાયોડિગ્રેડેબલ કચરાનો યોગ્ય ઉપયોગ કરીને તેમાંથી બાયોગેસ અને ઉત્તમ ગુણવત્તાનું જૈવિક ખાતર (સ્લરી) તૈયાર કરવામાં આવે છે.
Gobardhan Yojana Gujarat Benefits : યોજનાના મુખ્ય ફાયદા અને ઉદ્દેશ્ય
કચરામાંથી કંચન: છાણ અને જૈવિક કચરાનો નિકાલ કરીને ગામડાઓમાં સ્વચ્છતા જાળવવી અને રોગચાળો અટકાવવો.
પશુપાલકોની કમાણી: બાયોગેસ અને જૈવિક ખાતરનો વ્યવસાય કરીને પશુપાલકો માટે કમાણીનો નવો સ્ત્રોત ઊભો કરવો.
જૈવિક ખેતીને બળ: ગોબરગેસ પ્લાન્ટમાંથી મળતી ઓર્ગેનિક સ્લરીના ઉપયોગથી ખેતીમાં રાસાયણિક ખાતરનો ખર્ચ ઘટાડવો.
ઇંધણની બચત: રસોઈ ગેસ (LPG) પરનો ખર્ચ ઘટાડી હરિત અને સ્વચ્છ ઊર્જા મેળવવી.
Gobardhan Yojana Subsidy Details : મળવાપાત્ર સહાય અને સબસિડી
સરકાર દ્વારા ગોબરધન યોજના હેઠળ વ્યક્તિગત અને સામુદાયિક બંને ધોરણે સબસિડી પૂરી પાડવામાં આવે છે:
વ્યક્તિગત બાયોગેસ પ્લાન્ટ સબસિડી: ખેડૂત કે પશુપાલકને પ્લાન્ટની ક્ષમતા મુજબ ૧૦,૦૦૦ થી ૨૫,૦૦૦ સુધીની સહાય સીધી બેંક ખાતામાં (DBT મારફતે) ચૂકવવામાં આવે છે.
સામુદાયિક બાયોગેસ પ્લાન્ટ ગ્રાન્ટ: ગ્રામ પંચાયત, દૂધ મંડળીઓ કે સહકારી સંસ્થાઓ દ્વારા મોટો પ્લાન્ટ સ્થાપવા માટે ૫૦ લાખ સુધીની સરકારી ગ્રાન્ટ મળે છે.
Gobardhan Yojana Eligibility : યોજના માટેની પાત્રતા
અરજદાર ગુજરાતના મૂળ નિવાસી હોવા જોઈએ.
અરજદાર પાસે ઓછામાં ઓછા ૨ થી ૩ પશુઓ (ગાય કે ભેંસ) હોવા આવશ્યક છે.
બાયોગેસ પ્લાન્ટ બેસાડવા માટે પશુપાલક પાસે પૂરતી ખુલ્લી જગ્યા હોવી જોઈએ.
Gobardhan Yojana Required Documents : જરૂરી દસ્તાવેજો
૧. આધાર કાર્ડ
૨. રેશન કાર્ડ / ચૂંટણી કાર્ડ
૩. બેંક પાસબુકની નકલ અથવા કેન્સલ ચેક
૪. જમીન કે જગ્યાના પુરાવા (૭/૧૨ અને ૮-અ ની નકલ)
૫. રજિસ્ટર્ડ મોબાઈલ નંબર
૬. પાસપોર્ટ સાઇઝ ફોટોગ્રાફ
How to Apply for Gobardhan Yojana Gujarat : ઓનલાઇન અને ઓફલાઇન અરજી પ્રક્રિયા
૧. i-Khedut Portal ઓનલાઇન અરજી : જ્યારે યોજના માટેના ફોર્મ ખુલે ત્યારે ikhedut.gujarat.gov.in પોર્ટલ પર જઈને ઓનલાઈન અરજી કરવાની રહે છે.
૨. ઓફલાઇન સંપર્ક : ગ્રામ પંચાયત કચેરી, તાલુકા પંચાયતના ગ્રામ સેવક અથવા વિસ્તરણ અધિકારી (પશુપાલન/ખેતી) નો સંપર્ક કરીને પણ ફોર્મ અને માર્ગદર્શન મેળવી શકાય છે.
